Օկլահոմայի դպրոցները սկսելու են գրանցել ծնողների և աշակերտների ներգաղթային կարգավիճակի մասին տվյալները, եթե նահանգային դպրոցների տեսուչ Ռայան Ուոլթերսի առաջարկն օրենքի ուժ ստանա:
«Անօրինական ներգաղթի հաշվառման վերաբերյալ մեր կանոնը նրա համար է, որպեսզի պարզ լինի, թե մեր դպրոցներում ապօրինի ներգաղթյալ քանի աշակերտ կա»,-ասել է Ուոլթերսը։
Նա շարունակում է, որ նախորդ չորս տարիներին, իր հաշվարկներով, Օկլահոման ծախսել է ավելի քան 470 միլիոն դոլար՝ առանց փաստաթղթերի միգրանտների երեխաներին կրթելու համար:
Your browser doesn’t support HTML5
Օկլահոմայի Կրթության հարցերով խորհուրդը մտադիր է գրանցել աշակերտների ներգաղթային կարգավիճակը
«Դրանք ռեսուրսներ են, թվեր, որոնց մասին մենք տեղեկություն չունեինք»,- ասել է նա։
Օկլահոմայի օրենսդիրները քննարկում են օրինագիծը, որը արձանագրելու է, բայց չի խոչընդոտի անօրինական միգրանտներին հաճախել հանրային դպրոցներ:
Սամիրա Իզագիրեն ԱՄՆ է եկել Մեքսիկայից ավելի քան 20 տարի առաջ: Օրինական ներգաղթյալը և վեց երեխաների մայրը կարծում է, որ երեխաները պետք է դուրս լինեն քաղաքականությունից։
Թուլսայում հանրային դպրոցների ղեկավարները ծնողներին ասել են, որ չեն հավաքելու նման տեղեկատվություն:
Շրջանի ներկայացուցիչ Քրիստոֆեր Փեյնը մեջբերել է ԱՄՆ Գերագույն դատարանի 1982 թվականի որոշումը, որ բոլոր երեխաներն ունեն հանրային կրթության իրավունք՝ անկախ ներգաղթային կարգավիճակից:
Դեմ հանդես գալով առաջարկվող օրինագծին՝ Օկլահոմայում դասավանդող ուսուցիչ Ֆերնանդո Բակերան ասում է, որ նման փոփոխությունն արդեն վախ է առաջացնում. «Ճիշտ չէ վախ տարածել աշակերտների մեջ և հետո փորձել նրանց դուրս մղել անվճար կրթությունից, ինչը հակասահմանադրական է»:
Օկլահոմայում բնակվող Թոդ Հյուսթոնն այլ կարծիքի է․ «Այն, ինչ իրականում առաջարկում է Ռայան Ուոլթերսը, շատ արդարացի է և օգնում է դպրոցներին իմանալ, թե ինչ [միջոցներ] պետք է հատկացնեն»:
Ուոլթերսի խոսքով՝ օրենքի պահանջելու է նաև կիսվել ժողովված տեղեկատվությունը իշխանությունների հետ. «Եթե իրավապահ մարմինների ներկայացուցիչը գա և տեղեկություն խնդրի, մենք օրենքով պարտավոր ենք այդ տեղեկատվությունը տրամադրել»:
Նահանգի Կրթության հարցերով խորհրդի որոշումից հետո օրինագիծը ներկայացնել Օկլահոմայի օրենսդիր մարմին՝ նահանգապետ Քևին Սթիթն անցած շաբաթ պաշտոնանկ արեց խորհրդի երեք անդամներին՝ պատճառաբանելով, թե նահանգում աշակերտների հանձնած քննությունների արդյունքները ցածր են։